Сурет: Egemen Qazaqstan
Қазақстанда ұлттық қолөнерді қайта жаңғырту үшін гранттық бағдарлама іске қосылды. Шеберлер өтінім беріп, қаржылай көмек ала алады, деп хабарлайды Zhaiyqmedia.kz ақпарат агенттігі.
Бағдарлама аясында үздік жобаларға 500 мың теңгеге дейін грант беріледі. Қолөнердің көне түрлері – кілем тоқу, ағаш ою, зергерлік бұйымдар жасау сияқты бағыттарға басымдық берілмек.
«Ұмыт қалған қолөнерді қайта тірілту – біздің басты мақсатымыз. Шеберлерге тек қаржылай емес, ақпараттық қолдау да көрсетеміз», – дейді Мәдениет және ақпарат министрлігінің өкілі.
Өтінімдерді қабылдау 1 маусымға дейін жалғасады. Қатысу үшін арнайы сайтта тіркеліп, жобаны сипаттау қажет. Жеңімпаздарды сарапшылар комиссиясы анықтайды.
