Сурет: hk01.com
Қытайдың Бейжің, Чэнду және Фучжоу қалаларында көшеде садақа сұрайтын роботтар пайда болды. Гуманоидтардың ерекше әрекеті туралы фотосуреттер әлеуметтік желіде кеңінен тарады, деп хабарлайды Zhaiyqmedia.kz ақпарат агенттігі.
Роботтардың адамдардан еш айырмашылығы жоқ – бірі тізерлеп басын төмен салбыратса, енді бірі тротуарда тақтайша ұстап отырған күйде бейнеленген. Тақтайшаларда «Телефонымды қуаттауға ақшам жоқ» немесе «Электр қуатының ақысын төлеп беріңізші» деген жазулар бар. Ал олардың жанында ақша аударуға арналған QR-кодтар қойылған.
Сарапшылардың болжамынша, «қайыр сұрау әрекеті» роботтардың өзіне экономикалық тұрғыдан тиімсіз. Себебі мұндай роботтар мыңдаған доллар тұрады. Сондықтан мамандар мұның әлеуметтік эксперимент болуы мүмкін екендігін айтып отыр.
Еске сала кетейік, бұған дейін Қытайда алғаш рет адам тәрізді роботтардың қатысуымен марафон өткен болатын. Жарыс Пекин қаласында ұйымдастырылып, оған 100-ден астам гуманоид-робот қатысты.
