1 шілдеден бастап Сенат және Мәжіліс депутаттары өңірлерді аралап, халықтың талап-тілегін тыңдап, өзекті мәселерді шешу үшін халықпен кездесуді бастауда.
Бүгін Бөкей ордасы ауданына арнайы іссапармен Астана қаласынан бірнеше мәртебелі меймандары, Қазақстан Республикасы Парламенті Мәжілісінің депутаттары келді. Атап өтсек, Мәжілістің Халықаралық істер, қорғаныс және қауіпсіздік комитетінің мүшесі, Қазақстанның Еңбек Ері, ҚР «Ардагерлер ұйымы» республикалық қоғамдық бірлестігінің орталық қеңесінің төрағасы Бақтықожа Салахаденұлы Ізмұхамбетов, осы комитеттің мүшесі Ерболат Байұзақұлы Саурықов, Мәжілістің Заңнама және сот-құқықтық реформа комитетінің мүшесі Абзал Темірғалиұлы Құспан, сондай-ақ, облыс әкімінің орынбасары Қалияр Шадиярұлы Айтмұхамбетов.
Сапар барысында мәртебелі меймандар еркін форматта аудан тұрғындарымен кездесіп, елдік мәселелерге қатысты жұртшылықтың ұсыныс-пікірлерін тыңдап, сауалдарына жауап берді.
