Сурет: ҚазАвтоЖол
Алматы – Шелек – Қорғас тасжолында жүк көліктері бетон жабындысын бүлдіріп, жеңіл көліктерге зақым келтірді. Зардап шеккен көлік иелеріне шығынды мердігер ұйым өтеп берді, деп хабарлайды Zhaiyqmedia.kz ақпарат агенттігі.
«ҚазАвтоЖол» мәліметінше, оқиға ауыр жүк көлігі өткеннен кейін болған. Жүктеме әсерінен жолдың бетон жабындысының бір бөлігі бұзылып, кейін осы учаскеден өткен бірнеше жеңіл автокөлік дөңгелектерін зақымдаған.
Жол қызметтері мен мердігер ұйым оқиға салдарын жедел жойды. Жол учаскесі нормативтік талаптарға сай қалпына келтіріліп, көлік қозғалысы штаттық режимде қайта ұйымдастырылды. Зардап шеккен көлік иелеріне шығынды мердігер компания толық өтеген. Сондай-ақ полиция департаменті аталған ұйымға айыппұл салды.
