Сурет: Report
Ливанның оңтүстігіндегі бірқатар мәдени мұра нысаны Израильдің соққысынан қирап, кейбірі қатты зақымданды. Бұл туралы Ливанның мәдениет министрі Ғассан Саламе мәлімдеді, деп хабарлайды Zhaiyqmedia.kz ақпарат агенттігі.
Министрдің айтуынша, Тир қаласындағы ежелгі бағаналардың бірі зақымданған. Сонымен қатар, елдің оңтүстігіндегі қалалардың бірінде мұсылмандар мен христиандар қатар қастерлейтін зиярат орны қиратылған.
Ливан тарапы Набатия қаласындағы мәмлүк дәуірінің базарының қирағанын және шекара маңындағы ғасырлар бойы қалыптасқан елді мекендердің зақымданғанын мәлімдеді. Сондай-ақ ұрыс аймағында орналасқан Бофорт қамалы мен Тебнин крестшілер қамалының жағдайына алаңдаушылық білдірілді.
ЮНЕСКО Тирдегі және басқа да мәдени мұра нысандарының жай-күйіне, сондай-ақ Шама цитаделінің зақымданғаны және Бофорт қамалы маңындағы ұрыс қимылдары туралы хабарларға алаңдаушылық білдірді.
