«Қазгидромет» мамандары 3 күндік ауа райы болжамын жариялады. Синоптиктердің мәліметінше, еліміздің көп бөлігінде күн ыстық болады, деп хабарлайды Zhaiyqmedia.kz ақпарат агенттігі.
Термометр бағандары кей жерлерде 36 градусқа дейін көтеріледі. Әсіресе оңтүстік өңірлерде аптап ыстық күтіледі.
«Ауа температурасы күндіз 31-36 градусқа жетеді, тек солтүстікте ғана салқындау болады», – делінген «Қазгидромет» хабарламасында.
Мамандар халықты сақ болуға шақырады: көп су ішу, күн астында ұзақ жүрмеу және бас киім кию ұсынылады.
