Алдағы күндері Қазақстанның басым бөлігінде ауа райы құбылмалы болмақ. Синоптиктердің мәліметінше, көптеген өңірде жаңбыр жауып, найзағай ойнайды, деп хабарлайды Zhaiyqmedia.kz ақпарат агенттігі.
Солтүстікте және орталықта күн күрт суытады, ал оңтүстікте, керісінше, ыстық болады. Термометр бағандары 34 градусқа дейін көтеріледі.
Батыс Қазақстан облысында да аптап ыстық күтіледі. Жайық өңіріндегі тұрғындарға ыстықтан сақтану шараларын қолдануға кеңес беріледі.
