Астанада өткен RES 2026 жаһандық саммитінде Satbayev University ғалымдары мен «ECOTEC Engineering» компаниясы экологиялық тәуекелдерді алдын ала болжайтын станцияны таныстырды, деп хабарлайды Zhaiyqmedia.kz ақпарат агенттігі.
Бұл станция ауа, су және топырақтың ластану деңгейін нақты уақыт режимінде бақылап, деректерді талдайды. Жүйе қауіпті жағдайлардың алдын алуға көмектеседі.
«Біздің әзірлеме экологиялық апаттарды болдырмауға мүмкіндік береді. Станция деректерді жинап, оларды жасанды интеллект арқылы өңдейді», — деді жоба жетекшісі, Satbayev University профессоры Нұрлан Серікқалиев.
Құрылғыны өндіріске енгізу жоспарлануда. Алғашқы үлгілер Батыс Қазақстан облысында сынақтан өтеді.
