Астанада Қазақстандағы Ресейдің мәдениет күндері аясында ресейлік кинофестиваль өз жұмысын бастады. Бұл туралы Мәдениет және ақпарат министрлігінің баспасөз қызметі хабарлады, деп хабарлайды Zhaiyqmedia.kz ақпарат агенттігі.
Фестиваль бағдарламасына соңғы жылдары түсірілген ресейлік фильмдер мен мультфильмдер енгізілген. Көрермендер үшін бірнеше күн бойы тегін көрсетілімдер ұйымдастырылады.
«Біз қазақстандық көрерменге заманауи ресейлік киноның үздік үлгілерін таныстыруды мақсат етіп отырмыз. Бұл – екі ел арасындағы мәдени байланысты нығайтудың тағы бір қадамы», – деді ұйымдастырушылар.
Фестиваль аясында режиссерлер мен актерлердің қатысуымен шығармашылық кездесулер де жоспарланған. Көрсетілімдер елорданың бірнеше кинотеатрында өтеді.
