Президент Қасым-Жомарт Тоқаевтың жарлығымен Қазақстанда жаңа мереке – Қазақтың тазысы мен төбеті күні бекітілді, деп хабарлайды Zhaiyqmedia ақпарат агенттігі.
Бұл күн жыл сайын 3 қыркүйекте аталып өтеді. Жаңа мереке қазақтың ұлттық ит тұқымдары – тазы мен төбеттің тарихи және мәдени маңызын мойындау мақсатында енгізіліп отыр.
Бұл шешім елімізде қаңғыбас иттерге қатысты даулы заң жобасы талқыланып жатқан кезде қабылданды. Қоғамда үлкен пікірталас тудырған құжатта ұсталған жануарларды бес күннен кейін өлтіру қарастырылған.
Қазіргі таңда «Жануарларға жауапкершілікпен қарау туралы» заңға енгізілетін түзетулер қоғам белсенділері мен зооқорғаушылардың қатты сынына ұшырап жатыр. Олар бұл қадамды ізгілікке жатпайтын әрекет деп бағалауда.
Фото: Әлеуметтік желіден
