Categories Жайық news

48 елді шаң қаптырды: Қазақстанның арнайы жасағы Дубайда жеңіс тұғырына көтерілді

Дубайда өткен арнайы жасақтар арасындағы UAE SWAT Challenge халықаралық жарысында қазақстандық командалар қос жүлдемен оралды. Президент Қасым-Жомарт Тоқаев әлемнің үздіктерін басып озған сарбаздарды жеңісімен құттықтады, деп хабарлайды Zhaiyqmedia ақпарат агенттігі.

Терроризмге қарсы бөлімшелердің басын қосқан айтулы додада «Kazakhstan C» командасы абсолютті чемпион атанса, «Kazakhstan A» командасы жалпы есепте күміс жүлдегер болды. Бұл – әлемнің 48 елінен жиналған 109 команда арасындағы теңдессіз нәтиже.

Мемлекет басшысы Мемлекеттік күзет қызметі, Ішкі істер министрлігі және Ұлттық қауіпсіздік комитеті қызметкерлерінен жасақталған құраманың кәсіби, физикалық, жауынгерлік даярлығы мен отаншыл рухы жоғары деңгейде екенін, сондай-ақ сарбаздардың жеңіске деген зор ерік-жігерін ерекше атап өтті.

Президент мұндай ауқымды жарыста ел намысын абыроймен қорғаған жауынгерлерге лайықты құрмет көрсетілетінін жеткізді.

Фото: Әлеуметтік желіден

Ұқсас жазбалар

Қазақстанда жасанды интеллект университеті ашылады: Президент министрге жаңа тапсырмалар жүктеді

Президент Тоқаев Ғылым министрі Саясат Нұрбекті қабылдады. Жасанды интеллект университетін ашу және ғылымды дамыту мәселелері…

«Бастығыңыз хабарласып тұр»: Қазақстанда телефон алаяқтарының жаңа схемасы пайда болды

Қазақстанда телефон алаяқтарының жаңа түрі тарады. Енді олар өздерін басшы ретінде таныстырып, азаматтардың ақшасын алдап…

Жарты ғасырлық үзілістен соң: NASA астронавтарды Айға қайта аттандырды

NASA 50 жылдық үзілістен кейін алғаш рет Айға астронавттарды аттандырды. «Артемида-2» миссиясы Ай бетіне қайта…