Сурет: istockphoto.com
Air Astana әуе компаниясының Анталья – Астана бағытындағы KC216 рейсі техникалық ақау салдарынан сегіз сағаттан астам уақытқа кешікті, деп хабарлайды Zhaiyqmedia.kz ақпарат агенттігі.
Ұшақ 28 маусым күні жергілікті уақыт бойынша сағат 11:25-те ұшуы жоспарланған еді. Алайда рейс кейінге шегеріліп, жолаушылар тек 19:33-те жолға шықты.
Air Astana рейстің кешігуін растап, оған техникалық ақау себеп болғанын мәлімдеді.
«Анталья – Астана бағытындағы KC216 рейсі техникалық себепке байланысты 19:33-ке дейін кейінге қалдырылды. Жолаушыларға ыстық тамақ пен сусын берілді. Келтірілген қолайсыздық үшін кешірім сұраймыз», делінген әуе компаниясының хабарламасында.
Әуе тасымалдаушысының айтуынша, ұшақ барлық техникалық ақаулар толық жойылғаннан кейін ғана ұшуға жіберілген.
