Шыңғырлау ауданының Алмаз ауылында «Ауыл құтқарушылары» республикалық бағдарламасы аясында өрт сөндіру бекеті ашылды.
«Ауыл құтқарушылары» ҚР Төтенше жағдайлар министрлігінің бастамасымен қолға алынған бірегей бағдарлама. Ол азаматтық ұлттық қорғау жүйесін нығайтудағы және еліміздің әр өңіріндегі орнықты қоғамдастықты қалыптастырудағы стратегиялық қадам болып табылады.
Шарада ауданы әкімінің міндетін уақытша атқарушы Миржан Нұртазиев құттықтау сөз сөйледі. Одан әрі БҚО төтенше жағдайлар департаменті бастығының міндетін уақытша атқарушы Жанболат Жаншин ауыл тұрғындарын құттықтап, қызметтік автокөлік кілтін Алмаз ауылдық округінің әкімі Самат Бақтыгереевке табыстады.
Өрт сөндіру бекетінің лента қию рәсімін Жанболат Жаншин мен Алмаз ауылының қоғамдық кеңес төрағасы, зейнеткер Ғаббас Қайырғалиев жасады. Ғ.Қайырғалиев ауыл тұрғындары атынан «Халқымыз тыныш, еліміз қауіпсіз болсын «деген ризашылығын жеткізді.
Ақпарат және фото аудандық «Серпін» газетінің редакциясынан
