Сурет: ТЖМ/ ЖИ-мен өңделген
Ақсу қаласындағы зауыттардың бірінде трансформатордан өрт шықты. Бұл туралы Төтенше жағдайлар министрлігі мәлімдеді, деп хабарлайды Zhaiyqmedia.kz ақпарат агенттігі.
Өрт салдарынан салқындатқыш май төгіліп, жалынның жақын маңдағы өндірістік учаскелерге таралу қаупі туындаған. Министрліктің мәліметінше, өрт аумағы шамамен 40 шаршы метрді құраған. Оқыс жағдайдан зардап шеккендер жоқ.
«Оқиға орнына жедел жеткен ТЖМ бөлімшелері келгеннен кейін 12 метр биіктікте трансформатордың жанып жатқаны анықталды. Өрт орнында өрт сөндіру жедел штабы құрылды. Өртті сөндіруге әуе-механикалық көбік және жақын орналасқан нысандарды қорғау мен салқындату үшін су оқпандары берілді», — делінген хабарламада.
