Сурет: Egemen Qazaqstan
Қырғызстан астанасында өткен IV Бішкек халықаралық кинофестивалінде отандық «Qaitadan» фильмі бас жүлдені иеленді, деп хабарлайды Zhaiyqmedia.kz ақпарат агенттігі.
Фестиваль аясында Орталық Азия байқауы ұйымдастырылып, онда Қазақстан, Қырғызстан, Өзбекстан, Тәжікстан және Түрікменстан киногерлерінің туындылары көрсетілді. Байқау қорытындысы бойынша «Qaitadan» «Үздік фильм» аталымында Гран-приге ие болды.
Бұл фильм соңғы жылдардағы ең табысты қазақстандық картиналардың бірі саналады. Өткен жылы ол үш апта ішінде прокатта 1 млрд теңгеден астам қаражат жинап, отандық кинопрокат көшін бастаған еді.
Бұған дейін «Qaitadan» STEPPE AWARDS сыйлығының «Кинематография» санаты бойынша жеңімпаз атанған. Жоба 2023 жылы питчинг жеңімпазы болып, Қазақстан Республикасы Мәдениет және ақпарат министрлігінің қолдауымен жүзеге асырылды.
