Сурет: Egemen Qazaqstan
Қазақстан шетелден қызанақ импортын шектеуге дайындалып жатыр, деп хабарлайды Zhaiyqmedia.kz ақпарат агенттігі.
Ауыл шаруашылығы министрлігі әзірлеген бұйрық жобасына сәйкес, 2026 жылғы 1 шілдеге дейін жаңа піскен немесе салқындатылған қызанақтарды (ЕАЭО СЭҚ ТН 0702 коды) үшінші елдерден Қазақстан аумағына барлық көлік түрімен әкелуге тыйым салу ұсынылып отыр.
Шектеу Еуразиялық экономикалық одаққа мүше мемлекеттерден жеткізілетін қызанақтарға қолданылмайды. Сондай-ақ қызанақтардың Қазақстан аумағы арқылы халықаралық транзитіне рұқсат беріледі.
Құжатты әзірлеушілердің айтуынша, бұл жоба отандық өндірушілерді қолдауға және олардың өнімдерін тұрақты өткізуге жағдай жасауға бағытталған.
