Сурет: Egemen Qazaqstan
Астанадағы жеңіл рельсті көлік (LRT) іске қосылғаннан бері екі апта ішінде 1 миллион жолаушыны тасымалдады. Күн сайын бұл көлікті орта есеппен 65-75 мың адам пайдаланып жүр, деп хабарлайды Zhaiyqmedia.kz ақпарат агенттігі.
Қала әкімдігінің мәліметінше, жаңа жүйе жолаушылар ағынын едәуір жеңілдеткен. Әсіресе таңғы және кешкі сағаттарда LRT-ге сұраныс жоғары.
«Біздің басты мақсатымыз – қоғамдық көлікті ыңғайлы әрі қолжетімді ету. LRT осы бағыттағы маңызды қадам», – деді Астана әкімі Жеңіс Қасымбек.
Қазіргі уақытта LRT желісін кеңейту жоспарлары қарастырылуда. Жаңа бағыттар қаланың шеткі аудандарын орталықпен байланыстыруы мүмкін.
