Әйел адам косметологиялық клиникада қайтыс болған оқиғаға байланысты Денсаулық сақтау министрлігі тексеріс бастады. Ведомство бұл фактіні бақылауға алып, заңбұзушылықтар анықталса, құжаттар құқық қорғау органдарына жіберілетінін мәлімдеді, деп хабарлайды Zhaiyqmedia.kz ақпарат агенттігі.
Қазіргі уақытта тексеру жүріп жатыр. Арнайы комиссия клиниканың қызметін, дәрігерлердің біліктілігін және қолданылған препараттарды тексереді.
Министрлік өкілдері оқиғаның мән-жайын анықтау үшін барлық қажетті шаралар қабылданатынын жеткізді. Егер заң бұзушылық дәлелденсе, кінәлілер жауапкершілікке тартылады.
