Астанада биыл Жасанды интеллект университеті ашылады. Жаңа оқу орны ЭКСПО қалашығында орналасады, деп хабарлайды Zhaiyqmedia.kz ақпарат агенттігі.
Университетке жоғары сынып оқушылары мен бакалавриат түлектері түсе алады. Негізгі талаптар: математика, физика және информатика пәндерінен жоғары балл, сондай-ақ ағылшын тілін меңгеру.
«Біз талантты жастарды іріктеп, оларға әлемдік деңгейде білім беруді жоспарлап отырмыз. Оқу бағдарламасына жасанды интеллект, робототехника және деректерді талдау кіреді», — деді университет өкілі.
Оқу мерзімі — 4 жыл. Студенттерге шәкіртақы мен жатақхана қарастырылған. Құжаттарды қабылдау наурыз айында басталады.
