Алатау қаласының тұрғындары аспанда беймәлім ұшу аппаратын байқап, оны видеоға түсіріп алды. Бұл кадрлар әлеуметтік желіде тез тарап кетті, деп хабарлайды Zhaiyqmedia.kz ақпарат агенттігі.
Куәгерлердің айтуынша, аппарат биіктікте қозғалып, өзіне тән дыбыс шығарған. Оның пішіні мен мінез-құлқы әдеттегі дрондардан ерекшеленеді.
«Біз үйіміздің жанында тұрған кезде аспаннан дыбыс естілді. Жоғары қарасақ, бір нәрсе ұшып жүр. Камераға түсіріп үлгердік. Ол әдеттегі дрон емес, пішіні басқаша», – дейді оқиға куәгері.
Мамандар бұл аппараттың халықаралық ғылыми жоба аясында сынақтан өтіп жатқан жаңа үлгі болуы мүмкін екенін айтады. Жобаға Оңтүстік Корея, Италия және Қытайдан серіктестер қатысып жатыр.
Қазіргі уақытта қала әкімдігі мен құзырлы органдар бейнежазбаның түпнұсқалығын тексеріп, аппараттың ұшу мақсатын анықтауда.
