Президент орта білім беру жүйесіне жасанды интеллектіні енгізу туралы Жарлыққа қол қойды. Енді 1 қыркүйекке дейін ЖИ қолданудың нақты стандарттары бекітілуі керек, деп хабарлайды Zhaiyqmedia.kz ақпарат агенттігі.
Жарлықта білім беру процесінде ЖИ технологияларын қолданудың бірыңғай тәртібі белгіленбек. Бұл стандарттар оқушылар мен мұғалімдерге арналған нақты ережелерді қамтиды.
Құжатта цифрлық сауаттылықты арттыру және ЖИ-ді оқыту әдістемесіне біріктіру міндеті де көрсетілген. Мамандардың айтуынша, бұл шаралар отандық білім жүйесін заманауи талаптарға сай жаңғыртуға мүмкіндік береді.
