Оралдағы Келешек мектебінде оқушылар өздерінің алғашқы стартап жобаларын іске қосты. Бұл жоба білім мен ұлттық құндылықтарды ұштастырып, бәсекеге қабілетті ұрпақ тәрбиелеуге бағытталған, деп хабарлайды Zhaiyqmedia.kz ақпарат агенттігі.
Оқушылардың стартаптары әртүрлі саланы қамтиды. Мысалы, бір топ ұлттық ойындарды цифрландыруды қолға алса, енді бірі экологиялық мәселелерге арналған қосымша жасап шығарды.
«Біздің мақсатымыз – балалардың шығармашылық әлеуетін ашу және оларды нақты іспен айналысуға үйрету. Стартаптар оқушыларға өз идеяларын жүзеге асыруға мүмкіндік берді», – дейді мектеп директоры.
Жоба жергілікті кәсіпкерлер мен университет мамандарының қолдауымен жүзеге асып отыр. Олар оқушыларға менторлық көмек көрсетіп, стартаптарды нарыққа шығаруға кеңес береді.
Мектеп әкімшілігі мұндай жобаларды жыл сайын өткізуді жоспарлап отыр. Келесі кезеңде оқушылардың стартаптарын облыстық деңгейде таныстыру көзделген.
