Жапония премьер-министрі қызметінен кетуге дайын,-деп хабарлайды Жайықмедиа.кз.
Жапония премьер-министрі Сигэру Исиба отставкаға кету туралы шешім қабылдады. БАҚ мәліметінше, ол бұл қадамға билеуші Либерал-демократиялық партия ішіндегі алауыздықты ушықтырмау үшін барып отыр.
Шілдедегі сайлаудан кейін Исиба басқаратын коалиция парламенттің жоғарғы палатасында көпшілікті жоғалтқан болатын. Осыдан кейін бірқатар саясаткер премьерді қызметінен кетуге шақырды.
Сарапшылар Исибаның отставкасы елді саяси тұрақсыздыққа әкелуі мүмкін деп болжайды. Бұл кезеңде Жапония АҚШ-пен сауда тарифтері жөнінде келіссөздер жүргізіп жатыр және Қытайдың аймақтық ықпалы артып келеді.
