Биыл көктем ерте келді. Күн жылып, көк шыға салысымен кенелер де қауіп төндіре бастады. Эпидемиологиялық маусым әдеттегіден бір ай бұрын ашылды, деп хабарлайды Zhaiyqmedia.kz ақпарат агенттігі.
Мамандардың айтуынша, кене шағудан болатын аурулардың алдын алу үшін вакцина салдыру қажет. Әсіресе орманды, далалы аймақтарда тұратындар сақ болуы керек.
«Кенелер конго-қырым геморрагиялық безгегі, энцефалит, Лайма ауруы сияқты қауіпті індеттерді таратады. Өткен жылы елімізде кене шағудан 5 адам қайтыс болды», — дейді эпидемиологтар.
Дәрігерлер кене шаққан жағдайда дереу медициналық көмекке жүгінуге кеңес береді. Сондай-ақ табиғат аясына шыққанда қорғаныш киім киіп, репеллент қолдануды ұмытпаңыз.
