Сурет: Shutterstock
Пәкістанның оңтүстік-батысындағы Белуджистан провинциясында жолаушылар пойызында күшті жарылыс болды. Зардап шеккендердің арасында әйелдер мен балалар да бар.
Бұл туралы жергілікті билік мәлімдеді, деп хабарлайды Zhaiyqmedia.kz ақпарат агенттігі.
Жарылыс салдарынан 24 адам көз жұмды, тағы 82 адам түрлі дәрежеде жарақат алды. Құтқарушылар оқиға орнында жедел жұмыс істеп, жаралыларды жақын маңдағы ауруханаларға жеткізді.
«Пойыз станциядан шығып, біраз жер жүргенде қатты дыбыс естілді. Барлығы үрейленіп, абыржып қалды», — деді оқиға куәгері.
Полиция жарылыстың мән-жайын анықтап жатыр. Тергеу барысында пойызда қосымша жарылғыш заттардың болуы мүмкіндігі де тексерілуде.
