Қазақстан ұлттық құрамасының тәжірибелі боксшысы Дулат Бекбауов допинг дауына тап болды. Бұл ақпаратты Халықаралық Олимпиада комитетіне қарасты Халықаралық тестілеу агенттігі (ITA) ресми түрде жариялады.

Агенттік мәліметіне сәйкес, спортшы соңғы 12 ай ішінде допинг-бақылау мамандарына өзінің нақты орналасқан жерін уақытылы және дұрыс көрсетпеген. Спортшылар үшін міндетті саналатын бұл тәртіп бұзушылық антидопинг ережелерін өрескел бұзу ретінде бағаланады.

Осыған байланысты ITA Дулат Бекбауовты екі жылға спорттан шеттету туралы шешім қабылдады. Дисквалификация 2025 жылғы 18 қарашадан басталып, 2027 жылдың 17 қарашасына дейін жалғасады.

Бұл жазаның тек әуесқой боксқа қатысты екенін айта кету керек.