Сурет: Ақорда
Қасым-Жомарт Тоқаев Дания Корольдігінің ұлттық мерекесі – Конституция күніне орай Король X Фредерикті құттықтады, деп хабарлайды Zhaiyqmedia.kz ақпарат агенттігі.
Қазақстан Президенті бұл мерекенің Дания халқы үшін демократиялық құндылықтардың, қоғамдық келісімнің және орнықты дамудың символы ретінде ерекше маңызын атап өтті.
Мемлекет басшысы достық пен өзара қолдау рухындағы қазақ-дат байланыстары одан әрі нығая беретініне сенім білдірді. Қасым-Жомарт Тоқаев Король X Фредериктің жауапты мемлекеттік қызметіне табыс, ал достас Дания халқына бақ-береке тіледі.
