Сурет: Egemen Qazaqstan
Сарайшық ауданындағы тоғыз қабатты тұрғын үй кешендерінің бірінде жиһаз бен тұрмыстық заттар өртенді. Өрттің аумағы 10 шаршы метрді құрады, деп хабарлайды Zhaiyqmedia.kz ақпарат агенттігі.
Оқиға орнына келген ТЖМ қызметкерлері өртті сөндіруге және үй-жайларды тексеруге кірісті. Ғимараттан 110 адам өздігінен эвакуацияланды.
Құтқару жұмыстары барысында газ-түтіннен қорғау қызметінің буыны құтқару қалпақтарының көмегімен 14 адамды құтқарды. Олардың ішінде 5 бала.
Өрт толық сөндірілді. Зардап шеккендер жоқ.
