Астанадағы №89 мектепте ашылған TopIQ Smart Class жүйесінің мүмкіндіктерімен Мәдениет және ақпарат министрі Аида Балаева танысты, деп хабарлайды Zhaiyqmedia.kz ақпарат агенттігі.
Министрліктің баспасөз қызметі хабарлағандай, бұл – еліміздегі алғашқы смарт-сыныптардың бірі. Мұнда оқушылар заманауи технологияларды қолданып, сабақты тиімдірек меңгереді.
«Мұндай сыныптар білім сапасын көтеруге зор үлес қосады. Енді балалардың ақпараттық сауаттылығы артады», – деді Аида Балаева.
Жүйе интерактивті тақта, планшеттер және арнайы бағдарламалармен жабдықталған. Оқушылар тапсырмаларды онлайн орындап, нәтижесін бірден көре алады.
Бұл бастама «Цифрлы Қазақстан» бағдарламасы аясында жүзеге асып отыр. Алдағы уақытта елорданың басқа мектептерінде де осындай сыныптар ашу жоспарланған.
