Сурет: Jas Qazaq
Алматы әлемдік технологиялық экожүйелердің даму қарқыны бойынша тоғызыншы орынға ие болды. Бұл — The Global Tech Ecosystem рейтингінің «Rising Stars» санатындағы көрсеткіш.
Рейтингте әлемнің 100-ден астам қаласы қамтылған. Алматының бұл жетістігі қаладағы стартаптар мен инновациялық жобалардың белсенді дамып келе жатқанын көрсетеді.
«Біздің мақсатымыз — Алматыны Орталық Азияның технологиялық хабына айналдыру. Бұл рейтинг — дұрыс бағытта келе жатқанымыздың дәлелі», — деді қала әкімдігінің өкілі.
Сарапшылардың пікірінше, Алматының бұл табысына IT-инфрақұрылымның жақсаруы, венчурлық инвестициялардың артуы және дарынды мамандардың шоғырлануы ықпал еткен.
Енді Алматы алдағы уақытта өз позициясын нығайтып, алғашқы бестікке кіруді жоспарлап отыр.
