Сурет: Egemen Qazaqstan
Қазақстан Иранға агроөнеркәсіп өнімдерін жеткізу көлемін 97 пайызға ұлғайтты. Бұл туралы Ауыл шаруашылығы министрі Айдарбек Сапаров Иранның Өнеркәсіп, кен өндіру және сауда министрі Сейед Мохаммад Атабакпен кездесуде мәлім етті, деп хабарлайды Zhaiyqmedia.kz ақпарат агенттігі.
Министрлер екіжақты сауда-экономикалық ынтымақтастықты кеңейту мәселелерін талқылады. Қазақстан тарапы Иран нарығына бидай, ұн, өсімдік майы және ет өнімдерін жеткізуді ұлғайтуға ниетті.
«Біздің аграрлық секторда зор әлеует бар. Иранға экспортты әртараптандыру – басты басымдықтардың бірі», – деді Айдарбек Сапаров.
Кездесуде тараптар өзара саудадағы кедергілерді жою және логистиканы жетілдіру жолдарын қарастырды. Сондай-ақ бірлескен жобаларды іске асыру мүмкіндігі талқыланды.
