Тайланд астанасы Бангкокта жол апатынан 8 адам көз жұмды. Пойыз бен автобус соқтығысып, тағы 32 адам жарақат алды, деп хабарлайды Zhaiyqmedia.kz ақпарат агенттігі.
Оқиға қала маңындағы теміржол өткелінде болған. Автобус жолаушыларға толы болған. Жергілікті билік қаза тапқандардың жеке басын анықтау үшін сараптама жүргізіп жатыр.
Жараланғандар ауруханаға жеткізіліп, дәрігерлер олардың жағдайын тұрақты деп бағалап отыр. Полиция апаттың себебін тергеп жатыр.
