Сурет: Egemen Qazaqstan
Қазгидромет 24 мамырға арналған Қазақстан бойынша ауа райы болжамын шығарды. Синоптиктер еліміздің көп бөлігінде найзағай ойнап, жаңбыр жауатынын хабарлады, деп хабарлайды Zhaiyqmedia.kz ақпарат агенттігі.
Солтүстік-батыс және орталық өңірлерде күн күркіреп, жаңбыр күтіледі. Оңтүстікте және шығыста аспан ашық болып, жауын-шашынсыз ауа райы сақталады.
«Елдің басым бөлігінде атмосфералық фронттардың өтуіне байланысты тұрақсыз ауа райы күтіледі. Найзағай ойнап, жаңбыр жаууы мүмкін», — делінген Қазгидромет хабарламасында.
Ауа температурасы солтүстікте +15…+20°C, оңтүстікте +25…+30°C аралығында болады. Желдің жылдамдығы 15-20 м/с жетеді.
