Сурет: Aikyn.kz
Мемлекет басшысы қала құрылысында отандық өнімді пайдалануды тапсырды. Бұл – экономиканы қолдау және сапаны арттыру үшін маңызды қадам, деп хабарлайды Zhaiyqmedia.kz ақпарат агенттігі.
Президенттің айтуынша, құрылыс материалдары мен жабдықтарды шетелден алғанша, өз өндірушілерімізді қолдаған тиімді. Бұл жергілікті кәсіпорындарды дамытып, жұмыс орындарын көбейтеді.
«Қала құрылысы барысында негізінен отандық өнімді пайдаланған жөн. Біздің өнімдеріміздің сапасы шетелдіктерден кем емес», – деді Президент.
Бұл бастама Батыс Қазақстан өңірінде де қолға алынбақ. Әсіресе, Орал қаласындағы құрылыс нысандарында жергілікті өндірушілердің өнімдеріне басымдық беріледі.
