Жетісу облысы Қарабұлақ ауылындағы «Малика» дүкенінде газ жарылып, салдарынан ғимараттың бір бөлігі опырылып түсті. Оқиғадан зардап шеккен үш адам ауруханаға жеткізілді, деп хабарлайды Zhaiyqmedia ақпарат агенттігі.
Облыстық Төтенше жағдайлар департаментінің мәліметінше, жарылыстан кейін 36 шаршы метр аумақ қираған. Абырой болғанда, оқиға орнында өрт шықпаған.
Ауруханаға жеткізілген үш адамның да есін білетіні хабарланды. Қазіргі уақытта мамандар оқиғаның нақты себеп-салдарын анықтау үшін жұмыс істеп жатыр.
Фото: Әлеуметтік желіден
