Мемлекет басшысы Қасым-Жомарт Тоқаев Италияда өтіп жатқан қысқы Паралимпиада ойындарында алтын медаль жеңіп алған биатлоншы Ербол Хамитовты тарихи жеңісімен құттықтады, деп хабарлайды Zhaiyqmedia ақпарат агенттігі.
Президент спортшының табанды еңбегі мен ерік-жігерінің арқасында қиын жолды еңсеріп, керемет жетістікке қол жеткізгенін атап өтті. Мемлекет басшысының айтуынша, бұл жеңіс – шынайы құрметке лайық зор жетістік.
Айта кетейік, Ербол Хамитов осы Паралимпиада ойындарында Қазақстан құрамасының туын ұстап шыққан болатын. Ол бұған дейін шаңғы жарысынан қола жүлдеге де ие болған еді.
Қасым-Жомарт Тоқаев Ербол Хамитовке зор денсаулық, қажымас қайрат және жаңа жарқын жеңістер тіледі.
Фото: Әлеуметтік желіден
