Оралда тұрғын үйлерде өрт қауіпсіздігін қамтамасыз ету бойынша түсіндіру жұмыстары жүргізілуде,-деп хабарлайды Жайықмедиа.кз.
Орал қаласы әкімдігі Төтенше жағдайлар басқармасы, «QazaqGaz Aimaq» АҚ БҚО филиалы және Полиция басқармасымен бірлесіп, тұрғын үйлер мен жатақханаларда өрт қауіпсіздігі ережелерін сақтау жөнінде түсіндіру жұмыстарын ұйымдастырды.
Шара барысында мамандар жеке үйлер мен жатақхана үлгісіндегі нысандарды аралап, тұрғындарға өрттің алдын алу, қауіпсіздік ережелерін сақтау туралы ақпарат берді. Сонымен қатар арнайы жадынамалар таратылып, тұрғындар үшін маңызды кеңестер жеткізілді.
Бұл іс-шара тұрғындардың қауіпсіздігін арттыруға және төтенше жағдайлардың алдын алуға бағытталған.
Сурет: Орал қ әкімдігі
