Сурет: Egemen Qazaqstan
Ұлттық құрама шабуылшысы Дастан Сәтпаев «Қайрат» клубы сапында соңғы ойындарын өткізеді. Ол лондондық «Челсиге» ауысар алдында «Атырау» мен «Қызылжарға» қарсы матчтарға қатысады, деп хабарлайды Zhaiyqmedia.kz ақпарат агенттігі.
«Қайрат» өз алаңында «Атыраумен» 13 маусым күні сағат 18:00-де, ал «Қызылжармен» 17 маусым күні сағат 19:00-де кездеседі. Клубтың мәліметінше, 17 маусымдағы матчтан кейін Алматыдағы Орталық стадионда Сәтпаевқа арналған қоштасу рәсімі өтеді.
«Он жыл бұрын Дастан «Қайрат» Академиясына арманымен, өзіне деген сеніммен, футболға деген сүйіспеншілігімен келген еді. Осы уақыт ішінде ол негізгі команданың көшбасшыларының біріне, клуб рекордсменіне, қазіргі құрамның ең нәтижелі ойыншысына, жанкүйерлердің сүйіктісіне айналды. Енді оның сары-қаралар сапындағы жолы өз мәресіне жақындады», делінген клуб хабарламасында.
Еске сала кетейік, алдағы маусымда Сәтпаев мансабын лондондық «Челсиде» жалғастырады. Жаңа маусымда «Челсиді» Хаби Алонсо баптайды.
