18 мамыр, дүйсенбі күні Қазақстанның әр өңірінде ауа райы әртүрлі болмақ. Оңтүстікте күн қатты ысып, термометрлер +35…+37°C-қа дейін көтеріледі, деп хабарлайды Zhaiyqmedia.kz ақпарат агенттігі.
Солтүстік өңірлерде жаңбыр жауып, күн күркіреуі мүмкін. Желдің жылдамдығы 15-20 м/с-қа жетеді. Батыс Қазақстан облысында ауа температурасы +25…+30°C шамасында болады.
Синоптиктердің болжауынша, еліміздің орталық және шығыс бөліктерінде де жаңбыр жауып, найзағай ойнайды. Түнде ауа температурасы +10…+15°C-қа дейін төмендейді.
«Ауа райының құбылмалы болуына байланысты дала жұмыстарын жоспарлағанда сақ болыңыздар», — дейді мамандар.
Алматы, Шымкент сияқты оңтүстік қалаларда күн ашық, аптап ыстық күтіледі. Нұр-Сұлтанда күндіз +20°C, жаңбыр жауады.
