Сурет: Egemen Qazaqstan
«Жолаушылар тасымалы» компаниясы багаж тасымалын цифрландыру бойынша пилоттық жобаны сынақтан өткізіп жатыр, деп хабарлайды Zhaiyqmedia.kz ақпарат агенттігі.
Жаңа жүйе багажды қадағалауды автоматтандырып, жолаушыларға нақты уақыт режимінде жүктерінің орнын білуге мүмкіндік береді. Пилоттық жоба алдымен ірі вокзалдарда сыналады.
Бұл технология багажды жоғалту немесе шатастыру қаупін азайтады. Жолаушылар өз жүктерін QR-код арқылы бақылай алады, – деді компания өкілі.
Егер сынақ сәтті өтсе, жобаны еліміздің барлық теміржол вокзалдарына енгізу жоспарланып отыр. Цифрлық жүйе жолаушыларға ыңғайлылықты арттырып, қызмет көрсету сапасын жақсартады деп күтілуде.
