Сурет: Fifa.com
Футболдан 2026 жылғы әлем чемпионатының 1/8 финалында Португалия мен Испания арасындағы кездесу өтті. Бұл ойынды жанкүйерлер ерекше күткен еді, себебі екі тәжірибелі еуропалық құрама тартысты кездесу өткізеді деп күтілді. Кейбір сарапшылар көп гол соғылатынын болжаған, деп хабарлайды Zhaiyqmedia.kz ақпарат агенттігі.
Ойынның алғашқы минуттарынан бастап екі команда да шабуылға басымдық берді. Алайда жылдам гол соғу мүмкіндігі болмады, сондықтан бірінші кезең есепсіз аяқталды.
Екінші кезеңде де ойын қарқыны өзгермеді. Кездесу тағдырын 91-минутта испаниялық Микель Мерино соққан гол шешті. Осылайша Испания 1:0 есебімен жеңіске жетіп, плей-офф сатысына жолдама алды.
Испания H тобында екі жеңіс, бір тең ойынмен 7 ұпай жинады. Олар Уругвайды 1:0, Сауд Арабиясын 4:0 есебімен жеңіп, Кабо-Вердемен 0:0 есебімен тең түсті. Плей-офф сатысында Аустрияны 3:0 есебімен тас-талқан етті.
Енді 1/8 финалда сағат 05:00-де АҚШ пен Бельгия кездеседі.
