«Теңізшевройл» компаниясы электр энергиясын тарату жүйесіндегі ақауға байланысты Теңіз және Королевское кен орындарында мұнай өндіруді уақытша тоқтатты, деп хабарлайды Zhaiyqmedia ақпарат агенттігі.
Бұған дейін, 18 қаңтарда Атырау облысындағы Теңіз кен орнында екі трансформатор өртенгені белгілі болды. Оқыс оқиғадан зардап шеккендер жоқ.
Компания өкілдері қазіргі жағдайға қатысты түсініктеме берді.
«Компанияның техникалық қызметі оқиғаның себептерін анықтап, өндірісті қауіпсіз түрде қалпына келтіру бойынша жұмыс істеп жатыр. Сондай-ақ ТШО жағдайдың салдарын азайту үшін мемлекеттік органдармен тығыз байланыста», – делінген компания таратқан хабарламада.
Фото: Әлеуметтік желіден
