Сурет: AP
АҚШ президенті Дональд Трамп Иранмен ықтимал келісімнен кейін Ресей мұнайына қатысты санкцияларды қайта енгізу мүмкіндігін жоққа шығармады. Бұл туралы ол G7 саммитінде мәлімдеді, деп хабарлайды Zhaiyqmedia.kz ақпарат агенттігі.
Трамптың айтуынша, қазір мұнай жеткізіліп жатқандықтан, жақын арада санкцияларды қайта енгізуге болады. Ол бұған дейін жеткізілімге кедергі келтірмеу үшін санкцияларды алып тастағанын, енді көп ұзамай оларды қайта енгізуге мүмкіндік болатынын айтты.
Наурыз айында АҚШ Ресейге қатысты санкциялардың бір бөлігін тоқтатып, алдын ала тиелген мұнайды экспорттауға рұқсат берген еді. Бұл шешім Иранмен қақтығыс салдарынан Ормуз бұғазының жабылу қаупіне байланысты қабылданған. Бастапқыда жеңілдіктер 30 күнге берілсе, кейін бірнеше рет ұзартылды.
