30 сәуірде С. Сейфуллин атындағы Қазақ агротехникалық зерттеу университетінде экономика ғылымдарының докторы, профессор Михаил Спектордың есімімен аталатын аудитория ашылды, деп хабарлайды Zhaiyqmedia.kz ақпарат агенттігі.
Аудиторияны ашу рәсіміне университет басшылығы, профессор-оқытушылар құрамы және студенттер қатысты. Шара барысында ғалымның өмірі мен ғылыми жетістіктері еске алынды.
«Михаил Давидович – экономика саласындағы ірі тұлға. Оның еңбектері агроөнеркәсіп кешенін дамытуға зор үлес қосты», – деді университет өкілі.
Бұл аудитория болашақ экономистер мен агрономдардың дәріс алатын орнына айналмақ. Студенттер мен оқытушылар мұндай қадам ғылыми мұраны дәріптеуге септігін тигізетінін атап өтті.
