Сурет: Egemen Qazaqstan
Астанада көпқабатты тұрғын үйден өртке су себетін түтік құбыр ұрланды, деп хабарлайды Zhaiyqmedia.kz ақпарат агенттігі.
30 жастағы ер адам бірнеше күн бойы Б.Момышұлы даңғылындағы үйдің кіреберісінен өрт сөндіру жеңдерін жасырын алып шыққан. Барлығы 28 жеңі ұрланған, оның 10-ын сатып үлгерген. Келтірілген шығын шамамен 360 мың теңге.
Күдікті кінәсін мойындады. Қазір оның елордадағы осыған ұқсас басқа қылмыстарға қатысы тексерілуде.
