Қазақстанда жасөспірімдер арасындағы құқық бұзушылық деңгейі 8 пайызға азайған. Бұл туралы Үкіметте өткен кеңесте белгілі болды, деп хабарлайды Zhaiyqmedia.kz ақпарат агенттігі.
Мәдениет және ақпарат министрі Аида Балаеваның төрағалығымен өткен жиында кәмелетке толмағандар арасындағы құқық бұзушылықтың алдын алу шаралары талқыланды. Мамандардың айтуынша, бұл көрсеткіш алдыңғы жылмен салыстырғанда айтарлықтай төмендеген.
«Жасөспірімдер арасындағы құқық бұзушылықтың төмендеуі – бірлескен жұмыстың нәтижесі. Біз профилактикалық іс-шараларды күшейтуді жалғастырамыз», – деді Аида Балаева.
Кеңес барысында бірнеше өңірдегі ахуалға ерекше назар аударылды. Батыс Қазақстан облысында да жасөспірімдер қылмысы азайған, бірақ әлі де бақылау қажет екені айтылды.
Алдағы уақытта мектептерде және жастар орталықтарында профилактикалық жұмыстар күшейтілмек.
