Сенат депутаттары мемлекеттік қызметкерлердің жалақысын көтеретін заңды қабылдады. Енді олар басқа өңірге ауысқанда тұрғын үй төлемдерін алады және жеңілдетілген ипотекаға қол жеткізе алады, деп хабарлайды Zhaiyqmedia.kz ақпарат агенттігі.
Жаңа заң бойынша, мемлекеттік қызметкерлердің жалақысы лауазымы мен еңбек өтіліне қарай өседі. Бұл шара кадрлардың тұрақсыздығын азайтуға және білікті мамандарды тартуға бағытталған.
«Біз мемлекеттік қызметкерлердің еңбегін бағалауымыз керек. Жаңа төлем жүйесі олардың материалдық жағдайын жақсартады», – деді Сенат төрағасы Мәулен Әшімбаев.
Сонымен қатар, заңда басқа өңірге ауысқан қызметкерлерге тұрғын үй төлемдерін төлеу көзделген. Олар жеңілдетілген ипотекалық бағдарламаларға да қатыса алады. Бұл әсіресе шалғай аймақтардағы кадр тапшылығын шешуге көмектеседі.
Жаңа төлем жүйесі 2025 жылдың 1 қаңтарынан бастап енгізіледі. Оған бюджеттен қосымша қаражат бөлінеді.
