Сурет: Ақорда
Астанада Еуразиялық экономикалық одақтың (ЕАЭО) басқосуында Мемлекет басшысы Қасым-Жомарт Тоқаев Қазақстанның технология саласындағы жетістігін атап өтті. Енді еліміз инновацияны сырттан сатып алатын емес, өзі шығарып, сататын мәртебеге ие болды, деп хабарлайды Zhaiyqmedia.kz ақпарат агенттігі.
Президенттің айтуынша, Қазақстан соңғы жылдары IT-сектор мен жасанды интеллект бағытында айтарлықтай серпіліс жасады. Бұл – Орал өңіріндегі стартаптар мен жас мамандар үшін де үлкен мүмкіндік.
«Біз технологияны нетто-экспорттаушы ел екенімізді дәлелдедік. Ендігі мақсат – ЕАЭО көлемінде бірлескен жобаларды ілгерілету», – деді Тоқаев кеңес отырысында.
Кездесуде одақ елдерінің цифрлық трансформациясы мен өнеркәсіптік кооперация мәселелері де талқыланды. Қазақстанның тәжірибесі басқа мүшелерге үлгі болмақ.
