Астанада Қазақстандағы Ресей Федерациясының мәдениет күндерінің ашылу салтанаты өтті. Ауқымды гала-концерт көрермендерге ерекше әсер сыйлады, деп хабарлайды Zhaiyqmedia.kz ақпарат агенттігі.
Іс-шараға Мемлекеттік кеңесші Ерлан Қарин қатысты. Ол өнердің екі ел арасындағы достықты нығайтудағы маңызын атап өтті.
«Мәдениет – халықтарды жақындастыратын күш. Біздің ортақ мұрамыз – үлкен байлық», – деді Қарин өз сөзінде.
Концертте Ресей мен Қазақстанның танымал әртістері өнер көрсетіп, көрермендердің қошеметіне бөленді. Мәдениет күндері аясында тағы бірқатар іс-шаралар жоспарланған.
