Теміртауда ірі өнеркәсіптік алаяқтық жасаған қылмыстық топ ұсталды. Олар кәсіпорынға 190 млн теңге шығын келтірген.
, деп хабарлайды Zhaiyqmedia.kz ақпарат агенттігі.
Ішкі істер министрлігінің мәліметінше, топ мүшелері өнеркәсіп саласындағы қылмыстардың жолын кесу бағытындағы жедел-іздестіру шаралары кезінде ұсталған. Олар зауыттардың біріне жалған құжаттар арқылы материалдар жеткізіп, ірі көлемде қаражат иемденген.
«Күдіктілер жалған шот-фактуралар мен келісімшарттар жасап, кәсіпорын есебінен 190 млн теңгеден астам қаражатты заңсыз алып отырған. Қазіргі уақытта олардың басқа да осыған ұқсас қылмыстарға қатысы бар-жоғы тексерілуде», — деді ІІМ ресми өкілі.
Ұсталғандар қамауға алынып, тергеу амалдары жүргізілуде. Күдіктілердің өзге де өнеркәсіп нысандарына қатысты алаяқтық әрекеттері анықталуы мүмкін.
